| Altëza | 1500 m. - 3152 m. (zënter 1568 m.s.l.m.) |
| Codesc de aviamënt postal | 39033 |
| Codesc ISTAT | 021 026 (021 Provinzia, 026 Comun) |
| Comunité comprensoriala | Comunité comprensoriala Val de Puster |
| Comuns vijins | Badia, Fodom (BL), San Martin de Tor, Sëlva Gherdëna |
| Coordinates | 46°33' nord, 11°52' est |
| Estensciun | 42,1 km²
3,3 km² abitá |
| Fraziuns | Corvara,
Calfosch,
Pescosta |
| Grupsc linguistics | Consistënza proporzionala di grups linguistics talian, todësc y ladin sciöche dè dant cun les detlaraziun de apartenënza y agregaziun in ocajiun dl 15. censimënt dla popolaziun 2011:
Ladins 89,70%
Taliagn 6,84%
Todesc 3,46% |
| Prefis telefonich | 0471 |
| Provinzia | Provinzia Autonoma de Balsan - Südtirol |
| Regiun | Trentin-Südtirol |
| Residënc | 1367 (situaziun ai 31.12.2023)
de chisc 667 ëi y 700 ëles
Corvara: 306 (144 ëi, 162 ëles), Calfosch: 532 (255 ëi, 277 ëles), Pescosta: 529 (268 ëi, 261 ëles) |
| Stat | Talia |
| Informaziuns generales | Corvara é n comun a 1.568 m d’altëza ala fin dla Val Badia te Südtirol. Adüm cun St. Martin, Badia, La Val y Mareo aldel pro i cinch comuns dla Val Badia, valada laterala dla Val de Puster. L’ comun se stën fora sön la incrujada, che va da öna na pert sön le jú de Campolongo (1.875 m) y dal’atra pert sön le jú de Frara (2.121 m), jö da pé dl crëp dl Sela. A süd-osten pon ruvé söi prá dl Pralongiá y a Norden pon udëi l’crëp dl’Sassongher cun sü prá de Pöz. I comuns confinanć é: Badia, Fodom, St. Martin de Badia y Sëlva dla val Gherdëna. |
| Storia di paisc Corvara y Calfosch | Ince sce i dui paîsc da Corvara y Calfosch se á svilupé un dlungia l’ater, él impò tröpes desfaranzies te süa storia. De Calfosch aldun le pröm iade da n documënt dl 1153. Le graf de Sabiona â cumprè jö Calfosch dal abate de Innichen. Al pê che Calfosch sides stada na pastöra, sön chëla che i paurs de Lajen e dla Val Gherdëna jê cun sü tiers a vardè. Cul passè dl tëmp â i paurs spò metü man da se fermè dailò y passè ince l’inver. Les prömes viles da Calfosch ê tles mans di nobli. Dal 1926 fej Calfosch pert dla iurisdiziun de Sëlva y dl vescovat de Porsenú. Ajache Calfosch fajô pert dla cüra de Lajen, jê sü abitanc ailò a mëssa y purtâ insciö ince sü morc pur les sopultüres. Le trú passâ pur Pöz, Val Lungia e Gherdëna.
Tl ann 1914 êl gnü consacrè na capela a Al Plan de Mareo. Te chël tëmp ê Calfosch passè ala cüra de St. Christina y tl 1515 ai spò ince ciafè definitivamënter n prô. Tl ann 1680 ê Calfosch gnü stachè da Lajen y metü pro la cüra de La Plí de Fodom. Tl 1827 êl spò passè ala iurisdiziun de Al Plan de Mareo, a chëla che Corvara fajô pert da três.
L’paîsc da Corvara vëgn dant l’prüm iade tl ann 1296 te n documënt de Giarardo de Coruera. A desfarënzia de Calfosch, fajô Corvara pert dla signoria de Mareo – Val Badia y ala iurisdiziun dl cunvënt de Ciastel Badia. Tartan che la colonisazíun dl paîsc da Calfosch ê piada ia da Lajen, gnê i prüms abitanć de Corvara probabilmënter da San Laurënz. Tl 1347 vëgn la dlijia, che è stada consacrada a Santa Caterina tl 1452, nominada pur l’prüm iade. Tl ann 1962 él gnü consacrè la nöia dlijia al Sacher Cör de Gejú.
Impormò incër la fin dl 1800 mët i paîsc de Corvara y Calfosch man de gní conesciüs fora pur düt l’monn pur süa posizíun ideala amesa i crëp y pur sü beliscimi prá fluris. Pur mirit di mënacrëp y di maestri de schi â la jënt de düt l’monn tôsc metü man da gní tles valades ladines pur jí sö pur munt. Tl 1947 ê a Corvara gnü colaudè l’prüma seggiovia dla Talia che purtâ sön Col Alt. Ti agn sessanta â l’bëgnester y l’svilup general condüt tröc turisć te nosta val, a na moda che al ê gnü fat sö te n cürt tëmp pension, bar, butëghes, restauranc y ciases privates. Insciö ê i posć de laûr deventá tröc y aldedaincö é chisc in gran pert ince ocupá da jënt che vëgn da foradeca.
|
Registrierungsanleitung