Puzné bun - Despartí bun - reziclé bun - sparagné

Chësta situaziun conesciunse düc: cartun, plastica, tetra pak y d'atri materiai da reziclé s'abina sö te ciasa, les condles é plënes y i ponsun indô sura canch'i jarun tl zënter de reziclaje. Nüsc consums da vigni de prodüj refodam. Al é da tigní cunt che le punt fondamental por na soluziun y gestiun efiziënta mët man denanco jí tl zënter dal refodam. Metun man te nosta ciasa. La despartiziun dl ciomënt sciöche al alda é la priorité, zënza chëra ne vára nia da recuperé i materiai por i mëte indô tl cërtl dles ressurses. Al vëgn dit che le ciomënt che i despartiun vëgn indô moscedé adöm n iade ch’al röia tl zënter de reziclaje. Chësc ne corespogn nia ala verité, mo chi che ó ti crëie ciafa na vertora por evité da despartí le refodam.

I sorvisc ambientai dla Comunité Comprensoriala se crüzia dla gestiun dl refodam tla Val de Puster y di sorvisc de racoiöda te deplü implanc de racoiüda (desciária, implant de compostaje dl refodam organich y zënter de reziclaje a Bornech). Por che chisc implanc funzionëies, é la racoiüda y la dërta spartiziun dl refodam fondamentala. Te Puster sciöche te döt le Südtirol éra insciö: 

• düc i materiai coiüs adöm a pert vëgn registrá a pert 
• vëgn condüc a pert 
• metüs a pert ti implanc dla Comunité Comprensoriala
• surandá a pert, tres de gragn mesi de trasport a aziëndes spezialisades tl reziclaje de materiai desvalis. 

La venöda y le reziclaje di materiai desvalis é ma poscibla sce la cualité stimenëia: insciö daidunse da sconé l'ambiënt y da sparagné energia. Implü vëgnel cun les entrades dla venöda contribuí diretamënter a tigní plü basses les tarifes de desgorta. I davagns dla venüda di materiai che an pó reziclé ti vá al 100% ai comuns da olache ai vëgn. L'ann passé él gnü venü feter 14.000 ton. de materiai che an pó reziclé, che porta ite 1,25 miliuns de euro. Sce la racoiüda é contaminada, chël ó dí sce an ne despartësc nia indortöra i materiai che an pó reziclé, vëgn le valur dles venödes mëndres, gaujan implü cosć cotan plü alc tla gestiun dles strotöres dal refodam. Al ó ester nosc sëns de responsabilité. Le responsabl di sorvisc ambientai, Herbert Steinwandter, sotrissëia: “Ma chi che despartësc le refodam indortöra y nët, porta pro ativamënter a mantigní la gestiun dl refodam te nosta regiun tan efiziënta y sostenibla y a tigní i cosć le plü bas poscibl ". Chi che mët implü ciamó averda bele tratan le cumpré ite da evité i injops di produc y da smendrí le consum che ne mëss nia ester, alza so contribut por la sconanza dl ambiënt dassën.

Por deplü informaziuns contatëia i sorvisc ambientai dla Comunité Comprensoriala Val Badia Puster al numer 0474 412980, umweltdienste@bzgpust.it .

17/03/2026