Orar de daurida:

• Lönesc : dales 15.00 – 18.00
• Mercui : dales 15.00 – 18.00
• Vëndres : dales 10.00 – 12.00

L’local dla biblioteca è da ćiafé pro la Ćiasa dles Uniuns a Calfosch. Al vëgn impresté fora libri de vigni sort, por pici y gragn, vëtes, cds y al vëgn metü a desposiziun dvds y jüc por mituns. L’asortimënt de 2300 libri é desvalí y reverdëia argomënć sciöche medejina, pedagogia, psicologia, cujiné, sport, bastelné y tröć d’atri. De particolar interesce è i libri de storia y cultura locala y i tröć libri por mituns.

L’numer de leturs scrić ite á arjunt l’livel de 120 leturs. L’numer de libri imprestá fora è plö o manco de 1000 libri al’ann. I visitadus è dandadüt jënt dl post, püć indere i sciori che vëgn te biblioteca. In general vëgni suradüt por se impresté fora val test. Demanco por ascuté müjiga o consulté val liber o rivista. Ala se trata en particolar de jënt jona, en eté da jí a scola, deperpo che jënt plö vedla o ti agn ciütia ite manco gonot.

Por descedé n maiú interesce ala letüra y involié la jënt a n’aprofité dla strutüra, oltre a renové tres i libri en dotaziun, organisëia la biblioteca deplö manifestaziuns, sides por pici co por i gragn. Por i mituns, en particolar, vëgnel organisé plö iadi al ann cursc da pastelné, domisdá de stories y jüć. En iade al ann vëgn i mituns dla scola elementara inviá a tó sö n prüm contat cun i locai dla biblioteca. Adüm a atres uniuns dl paisc vëgnel metü a jí manifestaziuns por adulć y porsones atempades .