Istituziun dl sorvisc de trasport "Corvara-Calfosch Express"

Atenziun: chësc inserat n'é nia plü atual!

Por na vacanza sënza auto

Stimá zitadins y ghesc dl Comun de Corvara,

ince chësc ann vëgnel ofrí dal Comun de Corvara le sorvisc de trasport urban debann: le Corvara-Calfosch Express.

Ala se trata de n sorvisc de trasport publich cun le bus che pëia ia ai 17 de jügn y che coliëia vigni 30 menüc i paîsc de Corvara y Calfosch. Le proiet jarà inant cina ai 11 de setëmber.

Chësc proiet vëgn realisé adüm al Assessorat ala Mobilité dla Provinzia de Balsan, sciöche prüm vare pur alisiré le trafich te nosc comun tratan i mëisc de alta sajun. Cun chësc sorvisc uressun realisé na alternativa por la popolaziun residënta, por nüsc sciori, por nüsc colaboradus y por düc chi che ó se möie sënza auto te nosc comun.

A nos se stá a cör la colaboraziun de düc te chësc travert. Jarun inant cun de plü iniziatives te chësc vers y fossun cuntënc sce da pert de tröc de os gnissel anuzé chësta oferta dl Corvara-Calfosch Express.

Le sorvisc vëgn finanzié deboriada dal Comun de Corvara y dala Provinzia de Balsan y è debann por l’utënt. Por anuzé le sorvisc dl bus bastel avëi na cherta da obliteré vigni iade (passajiers dai 6 agn insö). La cherta vel cina che ala è rovada (an pó fa deplü iadi) y ne á nia na tomanza. La destribuziun dla cherta vëgn fata ti ofize dl’Assoziaziun turistica o diretamënter tles strotüres rezetives söl teritore dl comun.

Ves inviun de cör a colaboré a chësc proiet y de anuzé le Corvara-Calfosch Express en alternativa al auto.

L’Ombolt
Robert Rottonara

L’assessur al turism y ala mobilité
Stefano Pezzei

Cherta Corvara-Calfosch Express

Orars Corvara-Calfosch Express (473 KB) - .PDF

17/06/2022